مولودی ترکی تبریک ولادت علی اکبر

در مدح و میلاد حضرت علی اکبر (علیه السلام)

اکبریم کیم عشقوه دل وئرمسه مغبون اولار

آفتاب عالم آرا حسنووه مفتون اولار

یوسف کنعان گوزی دوشسه او سرو قامته

تاج وتخت مصری بوشلار واله ومجنون اولار

گوزلرون رزق وجاهت پایلاسا سائل لره

بیر تماشا آل وئرینده مین گدا قارون اولار

کعبه ده بیر قطره تَر دامسا جبینوندن یره

زمزمون آب زلالی جوشلانار جیحون اولار

جلوه بازارینده بیر گون سرمه ساتسا کیپریگون

حور زیبا چهره لر حُسنین سنه مرهون اولار

عشقوون اعجازی باخ گور هانسی پیغمبرده وار

بیر ئوپوش تپراقووه کیم ورسا افلاطون اولار

کائناته حسنوون صد درصدین گورسدسه لر

خلقت ئوز گویچک لیگین تنها سنه مدیون اولار